Pāhana ʻĀina Lupalupa ʻOpe Maka Mua 2: Kālai Pili Honua (ʻŌlelo Hawaiʻi)

Ma ka pūʻulu ʻelua o ka pūkaʻina puke ʻepekema Hawaiʻi ʻo Pāhana ʻĀina Lupalupa (PʻĀL), paipai ʻia nā keiki e nānā ka maka, e hoʻolohe ka pepeiao, a e kilo me nā lonoa a pau. Kilo ʻia nā ua, nā makani, a me nā ao e wānana ai ke keiki i ke anilā. Hoʻopaʻa ʻia nā ʻōlelo noʻeau a me nā hōʻailona o ka honua e maopopo ai i ke keiki ke ʻano o ka ʻāina a me ka wā e kanu a ʻohi ai. Maopopo i ke keiki ke ʻano o ke kai a me ka wā e holoholo ai. Aʻo ʻia no Pele a me nā mele Pele i ʻike ke keiki i ke ʻano o nā luaʻi pele a me ke kahe ʻana o ka pele. Aʻo ʻia no ka hiki ʻana mai o nā meaola i Hawaiʻi a me ka loli ʻana o ia mau meaola a i ʻōiwi o Hawaiʻi nei. Maopopo i ke keiki ka pilina o nā meaola me ka ʻāina a me ke kuleana nui o kākou, nā kānaka, e hoʻomalu a e mālama i nā meaola a me ka ʻāina ʻo Hawaiʻi.

E hiaʻai ana ka manaʻo o ka ʻimi loa i nā kiʻi luaʻehu a me nā ʻōlelo piha ʻike. E paʻa ke kahua ʻike Hawaiʻi o ka mea heluhelu ma ka ʻōlelo a me ka moʻomeheu Hawaiʻi.

Ke Anilā
(Pae Heluhelu HA–MA; No ka Papa: M)
I ke kilo nō a ʻike i ke anilā. Aia ma ke kino nā mea kōkua ma ke kilo ʻana i nā ua, nā ao, a me nā makani o Hawaiʻi nei.

Nā Hana Kūmau
(Pae Heluhelu HE–PE; No ka Papa: 1)
“I ka nānā nō a ʻike.” E kilo i nā iʻa o ka ʻāpapapa a me ka pilina o kā lākou hana i nā hana kūmau a ka lā, ka mahina, a me ka honua.

Ka Pele
(Pae Heluhelu HI–LI; No ka Papa: 2)
‘O Pelehonuamea ke akua e noho ana ma Kīlauea ma ka moku ‘o Hawaiʻi. He mau kino lau ko Pele. E kilo i nā kino lau like ʻole o Pele iā ia e puoho ana, e kahe ana, e hoʻokumu ana hoʻi i ka ‘āina hou.

Ka Hoʻoliliuwelo
(Pae Heluhelu HO–LO; No ka Papa: 3)
He lōʻihi ke ala o ka hiki ‘ana mai o nā meaola i Hawaiʻi. Ma hope, ua hoʻoliliuwelo a ʻāpaʻakuma maila nā meaola mua loa i ka ʻāina hou ʻo Hawaiʻi. E aʻo i ke ʻano o ka hiki ʻana mai o ia mau meaola ma ka manu, ka makani, a me ka moana i Hawaiʻi.

I ‘ikepili a kumuwaiwai hou aku paha, e kele i www.kamehamehapublishing.org/PAL.

He aha ko loko?
16 puke pae heluhelu
4 Puke ‘Ike Kahua ‘Epekema
2 pelaha (E Kilo + Nā Pō)

Ua alu ke pa‘i ‘ana me Hale Kuamo‘o.

*English edition also available.